1․ Քո կարծիքով հայրը որդուն պիտի սիրի միայն սովորելու՞ համար. ինչու՞
Ո՛չ, հայրը երեխային պիտի սիրի ոչ թե միայն սովորելու համար, այլ պարզապես այն պատճառով, որ նա իր որդին է։ Սերը պայմանով չի լինում։ Եթե սիրես միայն լավ գնահատականների համար, դա արդեն սեր չէ, այլ պահանջ։ Երեխան պետք է զգա, որ իրեն սիրում են՝ անկախ այն բանից, լավ է սովորում, թե վատ։ Այդ սիրո շնորհիվ նա էլ ավելի մեծ ցանկություն կունենա սովորելու և առաջ գնալու։
2․ Ինչպե՞ս կգնահատես Ջուլիոյի արարքըՋուլիոյի արարքը շատ բարոյական և ինքնազոհ է։
Նա գաղտնի աշխատում էր, որովհետև ուզում էր օգնել իր հորն ու ընտանիքին, չնայած որ դա վնասում էր իր առողջությանը և ուսմանը։ Նրա արարքը ցույց է տալիս՝սիրո մեծ ուժ,պատասխանատվություն ընտանիքի հանդեպ,հոգատարություն հոր նկատմամբ։Միաժամանակ, նա սխալ էր, որ դա անում էր գաղտնի ու խաբելով․ ճիշտը կլինի ծնողների հետ բաց խոսելը։ Բայց նրա նպատակը մաքուր ու բարի էր, և դրա համար նրա արարքը գնահատելի է։
3․ Ինչի՞ց եք հասկանում, որ ծնողների կողմից սիրված եք, և ե՞րբ եք ձեզ անտեսված զգում ընտանիքում
Սիրված եմ զգում, երբ ծնողներս հետաքրքրվում են իմ օրով, լսում են, երբ ինչ-որ բան եմ պատմում, ժամանակ են անցկացնում ինձ հետ, արձագանքում են իմ խնդիրներին և ջանքերիս։Անտեսված եմ զգում, երբ երկար ժամանակ չեն հարցնում՝ ինչպես եմ, երբ իմ խոսքը ընդհատում են կամ չեն նկատում, որ ինձ օգնություն է պետք։ Երբ զգում եմ, որ իրենց հոգսերով այնքան զբաղված են, որ իմ վրա ուշադրություն չի մնում։
4․ Ինչպե՞ս ես աջակցում ընտանիքիդ. պատմիր
Ես ընտանիքիս աջակցում եմ ամեն օր․ օգնում եմ տան գործերում, հետևում եմ, որ ամեն ինչ կարգին լինի։ Բացի այդ, պահում եմ իմ փոքր քրոջը․ նրա հետ եմ լինում, խաղում եմ և անում եմ այն ամենը, ինչ կարող է թեթևացնել ծնողներիս հոգսերը։
Ագապե Ավագյան 